2 تا 4 فروری ملک کے بیشتر علاقوں میں شدید موسمی حالات

خبردار : طوفانی ہوائیں، شدیدگرج چمک کے ساتھ انتہائی تیز_بارش اور ژالہ_باری –

جنوبی بلوچستان میں سیلاب کا خدشہ:

اگلے 2 دنوں کے دوران بہت زیادہ طاقتور ہواوں کا سلسلہ داخل ہونے سے طوفانی ہوائیں چلنے ، شدید گرج چمک اور بارشیں متوقع ہیں! ویدر بسٹرز پاکستان ، موسمی ماڈلز کا جائزہ لینے کے بعد یکے بعد دیگرے شدید گرج چمک کے طوفان آنے کی پیش گوئی کر رہا ہے، جس سے درج ذیل علاقوں میں ہواوں کے بگولوں کے ساتھ ژالہ باری، شدید بارش کا امکان ہے: تربت، پسنی، اورماڑہ، بیلہ، خضدار، پنجگور، اور ملحقہ اضلاع۔ جنوب مغربی بلوچستان میں بارشوں کی مجموعی تعداد 50 سے 100 ملی میٹر تک پہنچ سکتی ہے اور کہیں کہیں پر یہ 150 ملی میٹر سے زیادہ بھی ہو سکتی ہے۔ اس کے نتیجے میں مقامی نالوں کے ساتھ ساتھ شہری علاقوں میں سیلاب کا امکان ہے۔ شدید موسم میں باہر نہ نکلیں!

جنوبی بلوچستان کے لیے شدید ہوا کا انتباہ:

پنجگور (90% امکان)، دالبندین، خضدار اور ملحقہ علاقوں میں 80سے100 کلومیٹر فی گھنٹہ کی رفتار سے آندھی چلنے کی توقع ہے۔ 2 اور 3 فروری 2024 کو صبح 10 بجے سے شام 6 بجے کے درمیان تیز ہوا کے جھونکوں کا سب سے زیادہ امکان ہے۔ احتیاط کا مشورہ دیا جاتا ہے! توقع ہے کی اس کے بعد مضبوط جنوب/جنوب مشرقی ہوائیں آخر کار مزید مغرب میں چلی جائیں گی !

خلاصہ: مشرق وسطیٰ سے ترکمانستان کی طرف بڑھنے والے ایک مضبوط کم دباؤ کے ملک کے بیشتر حصوں پر اثر انداز ہونے کی توقع ہے۔

شمال مشرقی بلوچستان میں برفباری 8000 فٹ سے زیادہ بلند مقامات پر ہونے کی توقع ہے۔ کوئٹہ 2 فروری کو جنوب/جنوب مشرق @ 40 سے50 کلومیٹر فی گھنٹہ، 3 فروری: جنوب مغرب/مغرب @ 55 سے 75 کلومیٹر فی گھنٹہ اور 4 فروری: شمال مغرب @ 40 سے 60 کلومیٹر فی گھنٹہ کو تیز ہوائیں چلیں گے! اس کے نتیجے میں درجہ حرارت میں 6 سے 9 سینٹی گریڈ کمی کی پیش گوئی کی گئی ہے! کوئٹہ، چمن، خاران سمیت بعض مقامات پر موسلادھار بارش کا امکان ہے۔ شدید گرج چمک کے ساتھ طوفان سبی اور بارکھان کے علاقوں کو بھی متاثر کر سکتا ہے کیونکہ یہ جنوبی پنجاب کی طرف بڑھ جائے گا ،

جنوبی پنجاب میں ڈی جی خان، راجن پور اور رحیم یار خان میں گرج چمک کے ساتھ بارش کا امکان ہے۔

⦾ سندھ میں: بلوچستان سے گرج چمک کے ساتھ کیرتھر کی پہاڑیوں، دادو، این فیروز، نواب شاہ، جامشورو، سانگھڑ اور خیرپور سمیت اضلاع متاثر ہونے کی توقع ہے۔ یہاں 50 سے 70 کلومیٹر فی گھنٹہ کی رفتار سے (شمال مغربی) ہواؤں کے ساتھ تیز گرج چمک اور 20 سے 40 ملی میٹر بارش ہو سکتی ہے۔ کراچی، حیدرآباد، لاڑکانہ، قمبر، جیکب آباد، سکھر، ٹھٹھہ، میرپور خاص اور ملحقہ اضلاع میں گرج چمک کے ساتھ بارش کا بھی امکان ہے۔ اس دوران نوری آباد اور کراچی ریجن کے درمیان کہیں کہیں شدید بارشوں کو خارج از امکان قرار نہیں دیا جا سکتا۔

ملک کے بالائی علاقوں میں 3 اور 4 فروری کے درمیان سرگرمیاں متوقع ہیں۔ 5 فروری سے موسم صاف ہونے کی پیش گوئی کی گئی ہے۔

⦾ خیبر پختونخواہ میں: کے پی کے اور گلگت بلتستان میں شدید برف باری

سابقہ فاٹا کے جنوبی وزیرستان، شمالی وزیرستان، کرم ( پاراچنار) اور خیبر کے اضلاع میں کہیں 15 سے 25 ملی میٹر اور بعض مقامات پر 35 ملی میٹر سے زیادہ بارش ہونے کی توقع ہے جبکہ کہین کہیں ہلکی آندھی اور گرج چمک کے ساتھ بارش کی بھی توقع ہے ۔پاراچنار اور ملحقہ علاقوں میں بارش کی مقدار ہو سکتی ہے۔6 سے 9 انچ تک تازہ برف باری ممکن ہے ۔ ڈی آئی خان، ٹانک، لکی مروت، اور بنوں، علاقوں میں بھی اس سلسلے کی وجہ سے اچھی بارش ہوسکتی ہے۔ وادی پشاور کے علاقوں میں بارش کے امکانات کم ہیں۔  ہزارہ (ہری پور اور  ایبٹ آباد) اور مالاکنڈ کے علاقوں میں درمیانی بارش متوقع ہے۔ #سوات، کالام، چترال، دیر اور کاغان کی وادیوں میں تقریباً 4,500 سے 5,500 فٹ کے بلند پہاڑی مقامات پر برفباری متوقع ہے۔ 6,500 فٹ سے زیادہ بلندی والے علاقوں میں 1.5 سے 3 فٹ تک شدید برف باری ممکن ہے۔ گلیات میں بھی 1 سے 1.5 فٹ یا اس سے بھی زیادہ کی نمایاں برفباری متوقع ہے۔

⦾ پنجاب اور کشمیر میں:

بالائی پنجاب میں اٹک، چکوال، راولپنڈی/ اسلام آباد، جہلم، سیالکوٹ، گجرات، گوجرانوالہ اور ملحقہ اضلاع میں گرج چمک کے ساتھ مزید بارش کا امکان ہے۔ان علاقوں میں ہلکی سے معتدل بارش کے ساتھ تیز ترین آندھی/گرج چمک ممکن ہے! لاہور، سرگودھا اور فیصل آباد کے علاقوں میں گرج چمک کے ساتھ بارش کی بھی توقع ہے۔

⦾ آزاد کشمیر میں کوٹلی، مظفرآباد، باغ، میرپور اور ملحقہ علاقوں میں مزید بارش کا امکان ہے۔ راولاکوٹ میں پہلی اچھی برفباری متوقع ہے۔ اس دوران کچھ جنوبی حصوں میں آندھی/گرج چمک کے ساتھ بارش بھی ہو سکتی ہے۔ تیز بارش کا کوئی امکان نہیں ہے۔ برفباری 5,000 اور 6,000 فٹ کے درمیانی پہاڑی علاقوں میں متوقع ہے۔ اس دوران وادی نیلم میں مزید 2 سے 3 فٹ برف پڑنے کا امکان ہے۔