Weather Busters Pakistan موسم کا حال
Related Articles
راولپنڈی اور اسلام آباد میں مون سون کے انتہائی شدید اسپیل نے گزشتہ کئی دنوں کے بارشی سلسلے کو غیر معمولی شدت دے دی، جس کے دوران دونوں شہروں میں مجموعی طور پر تقریباً 200 ملی میٹر بارش ریکارڈ کی گئی۔ گزشتہ 24 گھنٹوں کے دوران راولپنڈی نیو کٹاریاں میں 230 ملی میٹر بارش ریکارڈ ہوئی، جبکہ راولپنڈی کے شمالی و مشرقی حصوں اور اسلام آباد کے زون 1 سے متصل علاقوں میں بعض مقامات پر 200 ملی میٹر سے زائد بارش ہوئی۔ شدید بارش کا مرکز راولپنڈی کے شمالی و مشرقی حصوں کے ساتھ اسلام آباد کے زون 1، گولڑہ، F-10، E-11 , I-8, I-10اور D-12 کے گرد رہا، جہاں طوفانی بارش کے نتیجے میں نالہ لئی میں غیر معمولی سیلابی صورتحال پیدا ہوئی۔ 🌧️🌊
شدید بارش کے بعد نالہ لئی میں پانی کی سطح صبح کے وقت کٹاریاں پر 23 فٹ اور گوالمنڈی میں 19فٹ تک پہنچ گئی، جو بعد میں بڑھ کر بالترتیب 27 فٹ اور 21 فٹ تک جا پہنچی۔جس کے باعث نالہ لئی سے ملحقہ آبادیاں شدید متاثر ہوئیں۔ متعدد گھروں میں تقریباً 5 فٹ تک پانی داخل ہوگیا، گاڑیاں سیلابی پانی میں بہہ گئیں، جبکہ دکانوں اور دیگر املاک کو بھی شدید نقصان پہنچا۔ شمس آباد، راجہ بازار، کٹاریاں، وارث خان، مسلم ٹاؤن، ڈھوک حسو، خیابانِ سرسید، ہزارہ کالونی، شمس آباد، کھنہ، PWD انڈر پاس، اولڈ ایئرپورٹ روڈ، چکری روڈ اور دیگر کئی مقامات پر سڑکیں پانی میں ڈوب گئیں اور آمدورفت کے لیے بند ہوگئیں۔ I-8, I-10، F-10، E-11، D-12 اور گولڑہ کے بعض علاقوں میں بھی شدید بارش کے باعث شہری زندگی متاثر ہوئی۔
صورتحال کی سنگینی کے پیش نظر رین ایمرجنسی نافذ کر دی گئی، تعلیمی اداروں سمیت متعدد ادارے بند کیے گئے اور نکاسی آب و ریسکیو کارروائیوں کے لیے متعلقہ محکموں کو متحرک کر دیا گیا۔ کئی مقامات پر ایکسپریس ویز اور اہم شاہراہیں پانی میں ڈوبنے سے ٹریفک کا نظام درہم برہم ہوگیا، جبکہ متعدد علاقوں میں شہری گھروں اور گاڑیوں سمیت سیلابی پانی میں پھنسے رہے۔ ہنگامی صورتحال سے نمٹنے کے لیے پاک فوج کی مدد بھی طلب کی گئی۔ متاثرہ علاقوں میں ریسکیو، واسا اور ضلعی انتظامیہ کی کارروائیاں جاری رہیں، جبکہ شہریوں کو نالوں، زیرِ آب سڑکوں اور سیلابی پانی سے دور رہنے کی سخت ہدایت کی گئی۔
محکمہ موسمیات کے مطابق گزشتہ 24 گھنٹوں کے دوران راولپنڈی میں نیو کٹاریاں کے مقام پر 230 ملی میٹر، چکلالہ 207، شمس آباد 200 ملی میٹر بارش ریکارڈ ہوئی۔ اسلام آباد میں گولڑہ کے مقام پر 182 اور اسلام آباد H-8 پر 166 ملی میٹر بارش ریکارڈ کی گئی۔ موسم کا حال کے مقامی و نجی اسٹیشنز پر اسلام آباد کے F-10/2 میں 194 ، D-12 میں 167، I-10/1 میں 160، اور I-8 میں 86 ملی میٹر، جبکہ رین گیج نیٹ ورک پر غوری ٹاؤن اسلام آباد میں 226 ملی میٹر ، سیٹلائیٹ ٹاؤن 205 ، راولپنڈی میں اور گلبہار اسکیم راولپنڈی میں 161 ملی میٹر بارش ریکارڈ کی گئی۔ یہ اعدادوشمار حالیہ اسپیل کی غیر معمولی شدت اور جڑواں شہروں میں اس کے وسیع اثرات کو واضح کرتے ہیں۔
جڑواں شہروں اورملک کے دیگر علاقوں میں 24 گھنٹوں میں ریکارڈ بارش کی تفصیل ذیل میں موجود ہے۔
| ہمارےمقامی و موسمی اسٹیشن گیجز | |
| بارش کی مقدار (mm) | مقامی و موسمی اسٹیشن گیجز |
| 79 | راولپنڈی: ویسٹریج 1 |
| 84 | بحریہ ٹاؤن فیز 2، راولپنڈی |
| 205 | سیٹلائیٹ ٹاؤن (بی بلاک)، راولپنڈی |
| 116 | چکلالہ سکیم 3، راولپنڈی |
| 10 | بحریہ ٹاؤن فیز 8، راولپنڈی |
| 26 | گلشن آباد، راولپنڈی |
| 95 | فاطمہ جناح یونیورسٹی، راولپنڈی |
| 15 | بسالی گاؤں، ضلع راولپنڈی |
| 31 | میانہ تھب (زون 5) اسلام آباد |
| 61 | زارج (ڈی ایچ اے 2) اسلام آباد |
| 194 | سیکٹر F-10/2 (اسلام آباد) |
| 167 | سیکٹر D-12 (اسلام آباد) |
| 160 | سیکٹر I-10/1 (اسلام آباد) |
| 58 | ڈھنڈاو (مردان) |
| 40 | شیخ جانہ، رازڑ (صوابی) |
| 35 | خانپورڈیم |
| بارش کی مقدار (mm) | ہماری رین گیجز |
| 40 | ماڈل ٹاؤن، واہ |
| 161 | گلبہار سکیم (راولپنڈی) |
| 99 | سوان گارڈن (اسلام آباد) |
| 226 | غوری ٹاؤن (زون 4) اسلام آباد |
| 60 | سیکڑ بی -17 بلاک- سی (اسلام آباد) |
| 47 | آئی 14۔ رفاہ یونیورسٹی، اسلام آباد |
| 17 | کلاک ٹاور ، گوجرانوالہ |
| 54 | سرکہ، حضرو، ضلع اٹک |
| – | محکمہ موسمیات کی رصدگاہیں- |
| بارش کی مقدار (mm) | پنجاب |
| 23 | اٹک |
| 25 | گجرات |
| 166 | اسلام آباد شہر |
| 18 | اسلام آباد ہوائی اڈہ |
| 182 | اسلام آباد گولڑہ |
| 99 | اسلام آباد سید پور |
| 18 | مری |
| 207 | راولپنڈی چکلالہ |
| 103 | راولپنڈی کچہری |
| 107 | راولپنڈی پیرودھائی |
| 230 | راولپنڈی نیو کٹاریاں |
| 200 | راولپنڈی شمس آباد |
| 24 | سیالکوٹ کینٹ |
| 1 | سیالکوٹ ہوائی اڈہ |
| بارش کی مقدار (mm) | آزادکشمیروگلگت بلتستان |
| TR | استور |
| 9 | برنا لہ |
| 1.8 | گڑھی دوپٹہ |
| 9 | کوٹلی |
| 3.9 | مظفر آباد ہوائی اڈہ |
| 2 | مظفر آباد شہر |
| TR | سکردو |
| بارش کی مقدار (mm) | خیبر پختونخواہ |
| 22 | بالاکوٹ |
| 22.7 | اپردیر |
| 13 | کاکول |
| 6.8 | لوئر دیر |
| 2 | مالم جبہ |
| 3 | مہمند ڈیم |
| TR | پتن |
| TR | پشاور ہوائی اڈہ |
| 7 | سیدو شریف |
| 44.2 | تخت بھائی |
| بارش کی مقدار (mm) | سندھ |
| TR | کراچی ہوائی اڈہ |
