27 مئی 2026 :ملک بھر میں گرمی کی شدت میں اضافہ، میدانی علاقوں میں سورج آگ برساتا رہا، جیکب آباد میں پارہ 49 ڈگری تک پہنچ گیا، اپنے شہر کے درست درجہ حرارت جانئیے

ملک کے بیشتر میدانی علاقوں میں شدید گرمی اور خشک موسم برقرار رہا جبکہ سندھ، جنوبی پنجاب، خیبرپختونخوا اور بلوچستان کے کئی شہر شدید ہیٹ ویو کی لپیٹ میں رہے۔ آج ملک میں سندھ کے بیشتر علاقوں میں شدید گرم اور خشک موسم برقرار رہا۔ 🌊🥵 سب سے زیادہ درجۂ حرارت جیکب آباد میں 49 ڈگری سینٹی گریڈ ریکارڈ ہوا، جبکہ نوابشاہ اور تربت میں 48، دادو اور سبّی میں 47 جبکہ پڈعیدن، لاڑکانہ اور نوکنڈی میں 46 ڈگری سینٹی گریڈ تک پارہ پہنچ گیا۔ 🔥🌡️

پنجاب کے میدانی علاقوں میں بھی شدید گرمی برقرار رہی جہاں ملتان، بہاولپور اور بہاولنگر میں 45.5، جوہرآباد، نورپور تھل اور ڈی جی خان میں 45 جبکہ جھنگ اور سرگودھا میں 44.5 ڈگری سینٹی گریڈ ریکارڈ کیا گیا۔ لاہور، فیصل آباد، گوجرانوالہ اور منڈی بہاؤالدین میں بھی شدید گرم موسم برقرار رہا۔ ☀️

خیبرپختونخوا کے جنوبی اضلاع شدید گرمی کی لپیٹ میں رہے جہاں ڈی آئی خان میں 44.5، بنوں میں 42.5 جبکہ پشاور میں 40.6 ڈگری سینٹی گریڈ ریکارڈ ہوا۔ دوسری جانب کالام، مالم جبہ، پاراچنار اور چترال میں موسم نسبتاً خوشگوار اور ٹھنڈا رہا۔ ⛰️❄️

بلوچستان میں تربت میں 48، سبّی میں 47، نوکنڈی میں 46 جبکہ دالبندین میں 45.5 ڈگری سینٹی گریڈ تک پارہ پہنچ گیا۔ پنجگور، بیلا اور خضدار میں بھی شدید گرم موسم برقرار رہا جبکہ زیارت، قلات اور کوئٹہ میں موسم نسبتاً معتدل رہا۔ 🌤️

اسلام آباد، راولپنڈی، آزاد کشمیر اور گلگت بلتستان میں بھی گرمی کی شدت میں اضافہ دیکھا گیا، تاہم بالائی علاقوں میں صبح اور رات کے اوقات میں موسم نسبتاً خوشگوار رہا۔

ملک کے دیگر شہروں میں ریکارڈ کیے گئے درست درجۂ حرارت ذیل کی فہرست میں ملاحظہ کریں۔