21 مئی 2026 : ملک کے بالائی علاقوں میں تیز ہواؤں اور گرج چمک کے ساتھ بارش، خیبرپختونخوا کے چند مقامات پر ژالہ باری

ملک کے بالائی، شمالی اور وسطی علاقوں میں مغربی ہواؤں کے زیرِ اثر گرج چمک اور  تیز ہواؤں کے ساتھ بارش کا سلسلہ جاری رہا جبکہ بعض علاقوں میں تیز جھکڑوں نےوقتی طور پر موسم خوشگوار بنا دیا۔ راولپنڈی، اسلام آباد، خطہ پوٹھوہار، خیبرپختونخوا، آزاد کشمیر اور گلگت بلتستان کے مختلف علاقوں میں کہیں ہلکی اور کہیں درمیانی شدت کی بارش ریکارڈ کی گئی۔ 🌩️🌧️

ہمارے مقامی و نجی موسمیاتی اسٹیشنز کے مطابق بحریہ ٹاؤن فیز 2 راولپنڈی اور میانہ تھب اسلام آباد میں 71 کلومیٹر فی گھنٹہ تک آندھی ریکارڈ کی گئی جبکہ میانوالہ، پنڈی گھیب میں بھی 71 کلومیٹر فی گھنٹہ تک جھکڑ چلے۔ بسالی گاؤں راولپنڈی میں 69، زارج اسلام آباد میں 61 جبکہ چکلالہ سکیم 3 میں 59 کلومیٹر فی گھنٹہ تک ہوائیں ریکارڈ کی گئیں۔ 🌬️💨

بارش کے حوالے سے ہمارے مقامی اسٹیشنز پر کرک کے ایگریکلچر آفس میں 32 ملی میٹر بارش ریکارڈ کی گئی، جبکہ سیٹلائٹ ٹاؤن راولپنڈی میں 4، غوری ٹاؤن اسلام آباد میں 4، سیکٹر I-10/1 اسلام آباد میں 2 جبکہ ویسٹریج راولپنڈی، چک بیلی خان اور سیکٹر F-10/2 اسلام آباد میں ہلکی بارش ریکارڈ ہوئی۔ 🌧️

محکمہ موسمیات کے مطابق پنجاب میں مری میں 8، جہلم میں 7، منڈی بہاؤالدین میں 5 جبکہ منگلا، جوہرآباد اور راولپنڈی نیو کٹاریاں میں 3 ملی میٹر بارش ریکارڈ کی گئی۔ اسلام آباد ائیرپورٹ پر 63 جبکہ سیالکوٹ ائیرپورٹ پر 59 کلومیٹر فی گھنٹہ تک تیز ہوائیں چلیں۔ ⛈️

خیبرپختونخوا میں بنوں اور میر کھانی میں 14، پاڑاچنار میں 12، کالام میں 10، اپر دیر میں 9 جبکہ دروش میں 8 ملی میٹر بارش ریکارڈ کی گئی۔ بعض پہاڑی علاقوں میں ژالہ باری کی اطلاعات بھی موصول ہوئیں جس سے مقامی باغات اور فصلوں کو جزوی نقصان پہنچا۔ 🌨️🌾

آزاد کشمیر اور گلگت بلتستان میں بھی بارش کا سلسلہ جاری رہا جہاں ٹندالی میں 18، گڑھی دوپٹہ میں 9 جبکہ مظفرآباد ائیرپورٹ اور سکردو میں 7 ملی میٹر بارش ریکارڈ کی گئی۔ بالائی علاقوں میں بارش اور ٹھنڈی ہواؤں کے باعث موسم خوشگوار ہو گیا۔ ⛰️🌦️
ہمارے نجی و مقامی موسمی اسٹیشنز  کے ساتھ محکمہ موسمیات کی رصدگاہوں پر ریکارڈ کی گئی ہوا کی رفتار اور بارش کی مقدار نیچے فہرست سے جانئیے