8 مئی 2026 : نوکنڈی میں شدید گرمی، درجہ حرارت 45 ڈگری کو چھو گیا ! سندھ کے بیشتر میدانی علاقوں میں درجۂ حرارت 40 ڈگری کے قریب پہنچ گیا، اپنے شہر کے درست درجہ حرارت جانئیے

ملک کے بیشتر میدانی علاقوں میں گرمی کی شدت قائم ،  سندھ، جنوبی پنجاب اور بلوچستان کے کئی شہروں میں شدید گرم اور خشک موسم برقرار رہا۔ آج ملک میں سب سے زیادہ درجۂ حرارت بلوچستان کے شہر نوکنڈی میں 44.5 ڈگری سینٹی گریڈ ریکارڈ ہوا، جبکہ جیکب آباد اور دالبندین میں پارہ 43.5 ڈگری تک پہنچ گیا۔ تربت اور سبّی میں بھی شدید گرمی برقرار رہی جہاں درجۂ حرارت بالترتیب 43 اور 43 ڈگری سینٹی گریڈ ریکارڈ ہوا۔ 🔥🌡️

سندھ کے بیشتر علاقے شدید گرمی کی لپیٹ میں رہے، جہاں نوابشاہ، دادو، سکھر، روہڑی اور پڈعیدن میں درجۂ حرارت 41 سے 42.5 ڈگری سینٹی گریڈ کے درمیان رہا۔ کراچی میں سمندری ہواؤں کے باعث موسم  نسبتاً بہتر رہا 🌊🥵

پنجاب کے جنوبی اور وسطی اضلاع میں بھی موسم گرم رہا، جہاں بہاولپور میں 40، ڈی جی خان میں 39.5، بہاولنگر میں 39 اور ملتان میں 38.2 ڈگری سینٹی گریڈ ریکارڈ کیا گیا۔ لاہور، فیصل آباد، گوجرانوالہ اور سرگودھا میں زیادہ سے زیادہ درجۂ حرارت 34 سے 35.5 ڈگری سینٹی گریڈ کے درمیان رہا۔ ☀️

خیبرپختونخوا کے میدانی علاقوں میں بھی گرمی میں اضافہ دیکھا گیا، جہاں ڈی آئی خان میں 38.5، بنوں میں 37 جبکہ پشاور میں 36.5 ڈگری سینٹی گریڈ ریکارڈ ہوا۔ دوسری جانب بالائی علاقوں جیسے کالام، مالم جبہ، استور اور زیارت میں موسم خوشگوار اور ٹھنڈا رہا۔ ⛰️❄️

گلگت بلتستان اور کشمیر کے بیشتر علاقوں میں موسم معتدل رہا جبکہ گلگت میں زیادہ سے زیادہ درجۂ حرارت 35 ڈگری سینٹی گریڈ تک پہنچ گیا۔
ملک کے دیگر شہروں میں آج ریکاردڈکئے گئے درست درجہ حرارت ذیل میں موجود فہرست سے جانئیے۔