10 مئی 2026 : سندھ اور جنوبی پنجاب میں شدید گرمی برقرار، دادو میں پارہ 47 ڈگری تک پہنچ گیا، اپنے شہر کے درست درجہ حرارت جانئیے

ملک کے بیشتر میدانی علاقوں میں شدید گرمی کی شدت برقرار رہی، جبکہ سندھ، جنوبی پنجاب اور بلوچستان کے کئی شہروں میں موسم انتہائی گرم اور خشک ریکارڈ کیا گیا۔ آج ملک میں سب سے زیادہ درجۂ حرارت سندھ کے شہر دادو میں 46.5 ڈگری سینٹی گریڈ ریکارڈ ہوا، جبکہ نوابشاہ میں 46، پڈعیدن میں 45 اور روہڑی میں 44.5 ڈگری سینٹی گریڈ تک پارہ پہنچ گیا۔ موئن جو دڑو، سکھر اور جیکب آباد میں بھی شدید گرمی برقرار رہی جہاں درجہ حرارت 43 سے 44 ڈگری سینٹی گریڈ کے درمیان ریکارڈ ہوا۔ 🔥🥵

کراچی میں سمندری ہواؤں کے باعث موسم نسبتاً بہتر رہا، تاہم حبس کی شدت برقرار رہی۔ شہر میں زیادہ سے زیادہ درجہ حرارت 33 سے 35 ڈگری سینٹی گریڈ کے درمیان ریکارڈ کیا گیا  ، مگر گرمی کی شدت زیادہ محسوس کی گئی۔ 🌊🌡️

پنجاب کے جنوبی اور وسطی اضلاع میں بھی شدید گرمی دیکھنے میں آئی۔ بہاولپور میں 44.3، خانپور میں 42.1، ڈی جی خان اور بہاولنگر میں 41.5 جبکہ ملتان میں 41.2 ڈگری سینٹی گریڈ ریکارڈ کیا گیا۔ لاہور، فیصل آباد، گوجرانوالہ اور سرگودھا میں زیادہ سے زیادہ درجۂ حرارت 38 سے 39 ڈگری سینٹی گریڈ کے درمیان رہا۔ ☀️

خیبرپختونخوا کے جنوبی اضلاع میں بھی گرمی کی شدت برقرار رہی، جہاں ڈی آئی خان میں 39.5 جبکہ بنوں میں 36.5 ڈگری سینٹی گریڈ ریکارڈ ہوا۔ دوسری جانب بالائی علاقوں جیسے کالام، مالم جبہ، پاراچنار، استور اور راولاکوٹ میں موسم خوشگوار اور ٹھنڈا رہا۔ ⛰️❄️

بلوچستان میں سبّی میں 43.5، تربت میں 43، دالبندین میں 42.5 جبکہ نوکنڈی میں 41.5 ڈگری سینٹی گریڈ ریکارڈ کیا گیا۔ کوئٹہ، زیارت اور قلات میں موسم نسبتاً معتدل رہا۔ 🌤️

ملک کے مختلف شہروں میں ریکارڈ کیے گئے درست درجہ حرارت ذیل کی فہرست میں ملاحظہ کیجیے۔