Weather Busters Pakistan موسم کا حال
Related Articles
سابقہ فاٹا اور دیر سمیت شمال مغربی خیبر پختونخواہ
کے بیشتر علاقے گزشتہ 10 دنوں سے غیر معمولی ٹھنڈ
کی لپیٹ میں ہیں، جہاں درجہ حرارت معمول سے 4 سے
7 ڈگری تک ٹھنڈے چل رہے ہیں۔ حالانکہ سال کے اس
وقت کے دوران گرمی عام طور عروج پر ہوتی ہے، تاہم
آج سابقہ فاٹا کے سب سے اہم شہر پاراچنار اور دیر میں
جون کے تاریخی سرد ترین درجہ حرارت کے ریکارڈ ٹوٹ
گئے!
🌡 پاراچنار:
آج صبح کم سے کم درجہ حرارت 3.5 ڈگری سینٹی گریڈ
تک گر گیا، جس کے سبب جون کے تاریخی سرد ترین
درجہ حرارت کا پرانا ریکارڈ تقریباً ڈھائی ڈگری کے فرق
سے ٹوٹ گیا! اس سے قبل 5.8 ڈگری سینٹی گریڈ جون
1997 میں ریکارڈ ہوا تھا۔ پاراچنار میں موسمی ڈیٹا
محفوظ کرنے کا عمل سن 1897 (گزشتہ 125 سال) سے
جاری ہے!
🌡دیر:
آج صبح کم سے کم درجہ حرارت 5 ڈگری سینٹی گریڈ
تک گر گیا جس کے سبب جون کے تاریخی سرد ترین
درجہ حرارت کا پرانا ریکارڈ ٹوٹ گیا، جو کہ 6 ڈگری
جون 2019 میں ہی قائم ہوا تھا۔ دیر میں موسمی ڈیٹا
محفوظ کرنے کا عمل سن 1966 (گزشتہ 56 سال) سے
جاری ہے!
آنے والے دنوں میں درجہ حرارت میں ایک یا دو ڈگری
اضافہ ہو سکتا ہے مگر مجموعی طور پر درجہ حرارت
معمول سے 3 سے 6 ڈگری کم رہینگے۔
