31 اگست 2026 :پوٹھوہار، اسلام آباد، خیبرپختونخوا اور کشمیر میں بارش، اسلام آباد زون 5 میں میانہ تھب کے مقام پر 52 ملی میٹر بارش اور 61 کلومیٹر فی گھنٹہ کی آندھی

گزشتہ 24 گھنٹوں کے دوران پوٹھوہار، اسلام آباد، خیبرپختونخوا اور آزاد کشمیر کے مختلف علاقوں میں بارش ہوئی۔اسلام آباد کے مختلف علاقوں میں بارش  اور تیز ہواؤں سے موسم خوشگوار ہو گیا، گلیات میں مختلف مقامات پر موسلادھار بارش ہوئی، اسی طرح ہنگو اور چکوال کے مختلف علاقوں سے بھی موسلادھار بارش رپورٹ ہوئی۔

مقامی و نجی موسمیاتی اسٹیشنز  کے مطابق سب سے زیادہ بارش میانہ تھب، اسلام آباد میں 52 ملی میٹر  ریکارڈ کی گئی، جہاں 61 کلومیٹر فی گھنٹہ کی تیز ہوائیں بھی چلیں۔ ہماری رین گیجز کے مطابق  اٹک کے علاقے کھوڑ میں 44 ملی میٹر بارش ریکارڈ ہوئی، جبکہ اسلام آباد و  راولپنڈی کے مختلف علاقوں میں بھی ہلکی سے درمیانی بارش ہوئی۔

محکمہ موسمیات کے مطابق کشمیر میں مظفرآباد ایئرپورٹ پر 27 ملی میٹر اور مظفرآباد شہر میں 18 ملی میٹر بارش ریکارڈ ہوئی، جبکہ خیبرپختونخوا میں مالم جبہ میں 25 ملی میٹر اور کاکول میں 9 ملی میٹر بارش ہوئی۔

مجموعی طور پر بارش کا سلسلہ وسیع پیمانے پر شدید نہیں تھا بلکہ مختلف علاقوں میں وقفے وقفے سے بارش ریکارڈ کی گئی، جس سے موسم خوشگوار رہا۔
محکمہ موسمیات و  مقامی و نجی موسمیاتی اسٹیشنز  و رین گیجز پر ریکارڈ بارش و ہوا کی رفتار ذیل میں موجود ہے۔