19 اگست 2026 : شمالی پنجاب اور جڑواں شہروں میں بارش کا طاقتور سلسلہ تیسرے روز بھی جاری ، بسالی گاؤں، ضلع راولپنڈی میں 140 ملی میٹر،راولپنڈی ویسٹریج میں 139 ملی میٹر  اور اسلام آباد I-8 میں 148 ملی میٹر ریکارڈ

Related Articles

18 اگست 2026 : بلوچستان کے جنوب مغربی علاقے شدید گرمی کی لپیٹ میں نوکنڈی 45 ، دالبندین 44 ڈگری کے ساتھ ملک کے گرم ترین مقامات، اپنے شہر کے درست درجہ حرارت جانئیے

1 گھنٹہ ago

18 اگست 2026 : مونسون کی موسلا دھار بارش جاری، میانوالہ، پنڈی گھیب میں 160 ملی میٹر، اسلام آباد I-8 میں 145 ملی میٹر ریکارڈ بارش، جڑواں شہروں میں سیلابی صورتحال

23 گھنٹے ago

16 اگست 2026 : دالبندین 44 ، نوکنڈی 43 اور سبی 42 ڈگری سینٹی گریڈ کے ساتھ ملک کے گرم ترین مقامات، اپنے شہر کے درست ترین درجہ حرارت جانئیے۔

2 دن ago

 مسلسل تیسرے روز بھی راولپنڈی و اسلام آباد اور شمالی پنجاب سمیت خیبر پختونخوا کے چند علاقوں  میں  بارشوں کا سلسلہ جاری ہے۔   ہمارے موسمی سٹیشنوں اور رین گیجز   پر رات 12 بجے سے  ریکارڈ کی گئی بارش کے مطابق ،بسالی گاؤں، ضلع راولپنڈی میں 140 ملی میٹر   راولپنڈی ویسٹریج میں 139 ملی میٹر  اور اسلام آباد کے سیکٹر I-8 میں 148 ملی میٹر بارش ریکارڈ کی گئی، جبکہ اسلام آباد کے سیکٹرز     I-10/1 میں 130 ،  سیکٹر   F-10/2 میں 115 اور سیکٹر D-12 میں 104 ملی میٹر بارش ریکارڈ  ہوئی۔

 ہمارے رین گیج نیٹ ورک پر    سرکہ، حضروضلع  اٹک میں 122  ملی میٹر  ، گلبہار اسکیم، راولپنڈی میں 120 اورغوری ٹاؤن اسلام آباد میں 114 ملی میٹر بارش ریکارڈ کی گئی۔ بعض مقامی اسٹیشنز پر دوپہر 1 بجے کے بعد بھی بارش جاری ہے۔

ہمارے موسمی اسٹیشنز اور رین گیج نیٹ ورک کے مطابق ریکارڈ کی گئی بارش کی مقدار ذیل کی فہرست سے جانئیے۔

مسلسل بارش کے باعث نالہ لئی میں طغیانی آ  گئی، ، کٹاریاں کے مقام پر پانی کی سطح 22 فٹ سے تجاوز کر گئی جبکہ گوالمنڈی پل پر 17 فٹ تک پہنچ گئی۔ جس پر  خطرے کے سائرن بجا دیے گئے ہیں ۔ جان کالونی ٹینچ بھاٹہ، پیپلز کالونی، ڈھوک حسو، ، ویسٹرج، آریا محلہ، گولنڈی،رحیم آباد سمیت نالا لئی سے متصل متعدد علاقوں میں پانی گھروں اور دکانوں میں  داخل   ہونے سے املاک کو شدید نقصان پہنچا۔ شاہراہوں پر پانی جگہ جگہ کھڑا ہونے سے کئی مقامات پر آمدورفت متاثر رہی۔ نالوں کے قریب  کھڑی گاڑیوں میں پانی داخل ہو گیا۔ واسا کی ٹیمیں اور بھاری مشینری نالہ لئی اور متاثرہ علاقوں میں موجود ہیں۔  ریسکیو 1122 نے شہریوں کو غیر ضروری طور پر گھروں سے نہ نکلنے اور برساتی نالوں سے دور رہنے کی ہدایت کی ہے۔

 محکمہ موسمیات کے مطابق گزشتہ 24 گھنٹوں کے دوران صبح 8 بجے تک  ،  سب سے زیادہ بارش اسلام آباد سیدپور میں 90 ملی میٹر ریکارڈ ہوئی، جبکہ اسلام آباد گولڑہ میں 81 ملی میٹر اور اسلام آباد شہر میں 78 ملی میٹر بارش ہوئی۔ اٹک میں 79 جبکہ لاہور ائیرپورٹ میں 65 ملی میٹر بارش ریکارڈ کی گئی۔

خیبر پختونخوا کے مختلف علاقوں میں بھی تیسرے روز    بارش کا سلسلہ جاری رہا،  تخت بھائی میں 22، مردان میں 17 اور پاراچنار میں 8 ملی میٹر بارش ریکارڈ ہوئی۔

محکمہ موسمیات کی رصد گاہوں پر صبح 8 بجے تک کی ریکارڈ بارش کی تفصیل ذیل میں موجود ہے

این ڈی ایم اے کے مطابق ، دریائے سندھ کے کالا باغ، چشمہ، تونسہ اور گڈو بیراج پر نچلے درجے کا سیلاب برقرار ہے۔ اسلام آباد، بالائی پنجاب، خیبر پختونخوا، کشمیر، گلگت بلتستان اور بلوچستان کے بعض علاقوں میں مزید بارش کا امکان ہے۔