14 جولائی 2026 :اسلام آباد ائرپورٹ پر 70 ملی میٹر بارش کے ساتھ 81 کلومیٹر فی گھنٹہ کی تیز آندھی ریکارڈ

ملک کے مختلف علاقوں میں گزشتہ 24 گھنٹوں کے دوران مون سون ہواؤں اور مغربی ہواؤں کے باہمی اشتراک سے شدید  گرج چمک اور تیز ہواؤں کے ساتھ  بارش کا سلسلہ جاری رہا۔ اس دوران اسلام آباد، بالائی پنجاب، جنوبی پنجاب، خیبرپختونخوا، شمال مشرقی بلوچستان اور چند دیگر علاقوں میں کہیں ہلکی، کہیں معتدل جبکہ بعض مقامات پر موسلادھار بارش ریکارڈ کی گئی۔

محکمہ موسمیات (PMD) کے مطابق سب سے زیادہ بارش اسلام آباد ایئر پورٹ پر ہوئی۔ جہاں 81 کلو میٹر فی گھنٹہ کی تیز آندھی کے ساتھ  70 ملی میٹر  بارش ریکارڈ ہوئی، جبکہ ملتان ایئرپورٹ پر 49 ملی میٹر  بارش کے ساتھ 56کلو میٹر کی آندھی چلی اور فورٹ منرو (ڈیرہ غازی خان) میں 25 ملی میٹر بارش ہوئی۔ اس کے علاوہ ڈیرہ غازی خان شہر، ملتان، کوٹ ادو، بہاولپور، راولپنڈی، اٹک، گڑھی دوپٹہ، بارکھان، خضدار، ژوب،ڈیرہ مراد جمالی،  دادو اور خیبرپختونخوا کے مختلف علاقوں میں بھی  شدید گرج چمک کے ساتھ بارش ریکارڈ کی گئی۔

ہمارے پرائیویٹ و خودکار موسمی اسٹیشنز کے مطابق سب سے زیادہ بارش سیکٹر بی-17، اسلام آباد میں 41 ملی میٹر، سرکہ، حضرو (ضلع اٹک) میں 22 ملی میٹر جبکہ چک بیلی خان، ضلع راولپنڈی میں 16 ملی میٹر ریکارڈ ہوئی۔

ملک کے مختلف علاقوں میں ریکارڈ کی گئی بارش کی مقدار ذیل میں موجود فہرست سے جانئیے