25 اپریل 2026 : ملک بھر میں شدید گرمی کی شدت میں اضافہ، سندھ اور بلوچستان میں درجۂ حرارت 45 ڈگری سے تجاوز کر گیا، مختلف شہروں کے درست درجہ حرارت جانئیے

ملک کے بیشتر میدانی علاقوں میں آج شدید گرمی مزید شدت اختیار کر گئی اور درجۂ حرارت کئی مقامات پر معمول سے بہت زیادہ ریکارڈ ہوا۔ سندھ کے اندرونی علاقوں میں گرمی اپنے عروج پر رہی، جہاں نوابشاہ میں 44.5 ڈگری سینٹی گریڈ ریکارڈ ، دادو اور موئن جو دڑو میں 44 جبکہ پڈعیدن، سکھر اور جیکب آباد میں 43ڈگری سینٹی گریڈ سے زائد درجۂ حرارت ریکارڈ ہوا۔ کراچی میں سمندری اثر کے باعث موسم نسبتاً معمول کے قریب رہا۔

پنجاب کے وسطی و جنوبی اضلاع میں بھی شدید گرمی برقرار رہی، جہاں لاہور، فیصل آباد، ملتان، بہاولپور اور رحیم یار خان ڈویژن میں درجۂ حرارت 40 سے 41.5ڈگری تک پہنچ گیا، جو کہ معمول سے نمایاں زیادہ ہے۔ خیبر پختونخوا کے میدانی علاقوں میں موسم گرم تا شدید گرم جبکہ بالائی علاقوں میں موسم نسبتاً ٹھنڈا اور خوشگوار رہا۔

گلگت بلتستان اور کشمیر میں درجۂ حرارت معمول کے مطابق یا قدرے کم رہا، جبکہ بلوچستان کے جنوبی علاقوں خصوصاً تربت اور سبّی میں شدید گرمی برقرار رہی، جہاں درجۂ حرارت 43 سے 43.5  تک ریکارڈ کیا گیا۔

آج ملک کا گرم ترین شہر نوابشاہ 44.5  رہا، جبکہ دیگر گرم ترین مقامات میں دادو اور موئن جو دڑو 44 ڈگری، پڈعیدن، سکھر، جیکب آباد اور تربت 43–43.5 ڈگری شامل رہے۔

مجموعی طور پر ملک کے بیشتر میدانی علاقوں میں گرمی کی شدت برقرار ہے اور آنے والے دنوں میں بھی اس میں اضافے کا امکان ہے۔
ملک کے مختلف شہروں میں ریکارڈ کئے گئے درست درجہ حرارت دی گئی فہرست سے جانئیے۔