Weather Busters Pakistan موسم کا حال
Related Articles
مون سون کی بارشوں کا سلسلہ ملک میں مختلف مقامات پر وقفے وقفے سے جاری ہے ، گزشتہ شام کوہ سلیمان پر بننے والے بادل مشرق سے آنے والی مونسون ہواؤن ںے مزید طاقت پکڑتے رہے اور ان کی وجہ سے لیہ، کروڑ، ملتان ، بہاولپور، منڈی یزمان، منڈی صادق گنج ، ہارون آباد،مظفر گڑھ، بہاولنگر اور رحیم یار خان اور انکے مختلف ملحقہ مقامات کے ساتھ ساتھ بلوچستان میں ژوب، خضدار اور بارکھان میں تیز ہواؤں کے ساتھ بارش ہونے سے ان علاقوں میں جاری گرمی کا زور ٹوٹ گیا اور موسم خوشگوار ہو گیا۔
منڈی صادق گنج میں موسلادھار بارش سے گلی محلے تالاب کا منظر پیش کرنے لگے۔
رات کو مون سون کے بادل جنوبی پنجاب میں مشرقی سرحد سے داخل ہوئے اور کچھ وقفے کے بعد ایک مرتبہ پھر بہاولنگر چشتیاں، ہارون آباد، بہاولپور اور ملحقہ علاقوں میں کبھی تیز تو کبھی معتدل بارش کا سلسلہ صبح تک وقفے وقفے سے جاری رہا۔
صبح کے وقت لاہور، سیالکوٹ اور قصور میں بھی چند مقامات پر ہلکی بارش ریکارڈ ہوئی۔
اس کے علاوہ خیبر پختونخوا،کشمیر اور گلگت بلتستان میں بھی چند ایک مقامات پر بادل برسے۔
محکمہ موسمیات کے مطابق صبح 8 بجے تک سب سے زیادہ بارش کروڑ لیہ کے مقام پر 35 ملی میٹر اور بہاولنگر میں 32 ملی میٹر ریکارڈ کی گئی۔
جبکہ ہمارے ذرارئع کے مطابق نجی موسمی اسٹیشنز پر بہاولنگر میں 150 ملی میٹر اور ہارون آباد میں 127 ملی میٹر سے زائد بارش ریکارڈ کی گئی۔
گزشتہ 24 گھنٹوں کے دوران، ملک کے مختلف شہروں میں موجود محکمہ موسمیات کی رصد گاہوں پر ریکارڈ کی گئی بارش کی مقدار ذیل میں موجود فہرست سے جانئیے
| — | محکمہ موسمیات کی رصدگاہیں |
| بارش کی مقدار (mm) | پنجاب |
| 32 | بہاولنگر |
| 19 | بہاولپور ائرپورٹ |
| 4 | بہاولپور شہر |
| 2 | بھکر |
| 35 | کروڑ(لیہ) |
| TR | قصور |
| TR | لاہور ہوائی اڈہ |
| TR | لاہور شہر |
| TR | میانوالی |
| 2 | ناروال |
| TR | سیالکوٹ کینٹ |
| بارش کی مقدار (mm) | آزادکشمیروگلگت بلتستان |
| 1 | بگروٹ |
| TR | گلگت |
| TR | ہنزہ |
| 2 | مظفر آباد ہوائی اڈہ |
| 2 | مظفر آباد شہر |
| TR | سکردو |
| بارش کی مقدار (mm) | خیبر پختونخواہ |
| 2 | ڈیرہ اسمعیل خان شہر |
| 22 | اپردیر |
| TR | میر کھانی |
| بارش کی مقدار (mm) | بلوچستان |
| 1 | بارکھان |
| 1 | خضدار |
| 24 | ژوب |
