Weather Busters Pakistan موسم کا حال
Related Articles
کراچی طوفان پر تفصیلی رپورٹ: سمندری طوفان تاؤتے کے زیرِ اثر آج شام ساڑھے 4 بجے کے قریب مٹّی کے طاقتور طوفان نے شہر کو متاثّر کیا۔ ذرائع ابلاغ کے مطابق 3 افراد ہلاک اور 2 زخمی ہو گئے۔
طوفان کی سرخیاں:
⦿ دورانیہ: تقریباً 45 منٹ
⦿ آندھی کی رفتار:مسرور بیس 87 کلومیٹر فی گھنٹہ، فیصل بیس 70 کلومیٹر فی گھنٹہ اور ائیرپورٹ 64 کلومیٹر فی گھنٹہ۔
⦿ بارش کی مقدار (ملی میٹر): بلدیہ ٹاؤن 11، مسرور بیس 8، سرجانی ٹاؤن (صائمہ ولاز) 6، کیماڑی 4، نارتھ ناظم آباد 2، صدر 1.1، پاپوشنگر (ناظم آباد)، حسین آباد (ایف بی ایریا) 1، ڈیفنس فیز 2 ایکسٹینشن 0.5 اور فیصل بیس ٹریس
تفصیلات:
⦿ سمندری طوفان تاؤتے کے زیرِ اثر شام تقریباً ساڑھے 4 بجے مٹّی کے طاقتور طوفان نے شہر کو متاثّر کیا۔ طوفان تقریباً 45 منٹ جاری رہا، جس کی شدّت مغربی حصّوں میں زیادہ تھی۔ مغربی، جنوبی، وسطی اور چند جنوب مشرقی حصّوں میں اچھی بارش ہوئی، تاہم مشرقی اور شمال مشرقی حصّے خشک رہے۔
⦿ کراچی کے زیادہ تر علاقوں میں 60 سے 70 کلومیٹر فی گھنٹہ کی ہوائیں چلیں اور بعض مقامات پر معتدل سے تیز بارش بھی ہوئی۔ زیادہ سے زیادہ درجہ حرارت ائیرپورٹ پر 39.5 ڈگری سینٹی گریڈ سے 26.5 ڈگری سینٹی گریڈ تک گر گیا جبکہ جن علاقوں میں بارش ہوئی، وہاں درجہ حرارت 23 ڈگری سینٹی گریڈ تک گر گیا۔
⦿ دھیان رہے کہ کراچی میں مئی میں بارش کی اوسط 0 ملی میٹر ہے اور یہ شہر کے زیادہ تر علاقوں میں باقائدہ طور پر 31 مئی 1986 کے بعد پہلی بارش ہے۔
