Weather Busters Pakistan موسم کا حال
Related Articles
مغربی ہواؤں کا سلسلہ اس وقت پاکستان کے مغربی حصّوں کو متاثّر کر رہا ہے۔ سیٹلائٹ پر مالاکنڈ کے علاقوں میں چند مقامات پر گرج چمک کے طوفان نظر آ رہے ہیں جبکہ 8000 فٹ سے بلند پہاڑوں پر برفباری کا سلسلہ جاری ہے۔ آج صبح پشاور میں 26 ملی میٹر بارش آر ایم سی پشاور گالف کلب دفتر میں ریکارڈ کی جا چکی ہے۔
اگلے چند گھنٹوں میں بالائی اور زیریں دیر، چترال، کوہستان، سابقہ فاٹا بشمول پاراچنار، مردان، پشاور، صوابی، ہریپور، ایبٹ آباد، گلگت، استور، سکردو اور ملحقہ علاقوں میں مزید بارش / ژالہ باری کا امکان ہے۔ بلوچستان میں چمن، پشین، مسلم باغ اور چاغی کے علاقوں میں بھی بعض مقامات پر بارش ہو سکتی ہے۔
آج دوپہر یا شام سے شمالی پنجاب اور خطّہٰ پوٹھوہار (راولپنڈی، اسلام آباد، چکوال)، جہلم، گوجرانوالہ، سیالکوٹ، کوٹلی، مظفّرآباد اور میرپور میں بھی تیز ہواؤں (50 سے 75 کلومیٹر فی گھنٹہ) اور گرج چمک کیساتھ بارش جبکہ 8000 فٹ سے بلند پہاڑوں پر برفباری کا امکان ہے۔
