Weather Busters Pakistan موسم کا حال
Related Articles
سوات کے مشہور تفریحی مقام مالم جبّہ میں نصب
دونوں پرائیویٹ موسمی سٹیشن اس بات کی دلیل دیتے
ہیں کہ وہاں آج کم سے کم درجہ حرارت 0 سے 1 ڈگری
سینٹی گریڈ کے آس پاس تھا جبکہ مغربی ہواؤں کے زیرِ
اثر وہاں گیلی برفباری اور گلگت بلتستان اور شمالی
خیبر پختونخواہ میں 9000 فٹ سے بلند مقامات پر
باقاعدہ برفباری ریکارڈ کی گئی۔
سوال یہ ہے کہ جب سطح سمندر سے 8123 فٹ اور
8720 فٹ پر کم سے کم درجہ حرارت 1 سے 0 ڈگری تک
تھا تو محکمہ موسمیات نے 8500 فٹ کی بلندی پر
نصب اپنی رصدگاہ سے 6.5 ڈگری سینٹی گریڈ کا یہ بے
بنیاد کم سے کم درجہ حرارت کیسے رپورٹ کر دیا؟
(تصاویر 1 تا 4 دیکھیں)۔
اگر محکمہ موسمیات اتنی سچّی ہے تو کیوں جنوری
2022 کے آغاز سے مالم جبّہ میں نصب اپنا خودکار
موسمی سٹیشن آف لائن کیا ہوا ہے؟ (تصویر 5 دیکھیں)
سردیوں کا معمول سے قبل آغاز محکمہ موسمیات کیلئے
ایسا کیا خطرہ ہے جو کہ اس ادارے کو ٹھنڈ سے منسلک
موسمی واقعات چھپانے پر مجبور کرتا ہے؟ کیا ہمیں
دوبارہ محکمہ موسمیات کو یہ یاد دلانا پڑے گا کہ اپنا
مالم جبّہ کا خودکار موسمی سٹیشن فوری آن لائن کریں
اور ہمارے ٹیکس سے ملنے والی تنخواہیں حلال کریں؟
ایک اور سچائی جو محکمہ موسمیات نے عوام سے
چھپائی وہ یہ ہے کہ گزشتہ رات بابوسر میں 9363 فٹ
کی بلندی پر نصب محکمہ موسمیات کی رصدگاہ پر 1.5
انچ برفباری ریکارڈ کی گئی۔ محکمہ موسمیات نے بابوسر
سے 4.4 ملی میٹر برفباری کے برابر بارش تو رپورٹ کر
دی لیکن برفباری کی اصل مقدار جان بوجھ کر ویب
سائٹ پر رپورٹ نہیں کی۔ جانتے ہیں کیوں؟ کیونکہ
اکتوبر کے ماہ میں برفباری پاکستان میں سردیوں کے
معمول سے کافی قبل از وقت آغاز کی عکّاسی کرتی ہے،
جو کہ مصنوعی موسمیاتی تبدیلی یا گوبل وارمنگ کے
جھوٹے ایجنڈا سے مکمّل اختلاف رکھتا ہے۔ اور اس
جھوٹے ایجنڈا کی مد میں محکمہ موسمیات کو کروڑوں
ڈالر کی فنڈنگ بین الاقوامی تنظیموں سے بھیک کی
صورت میں ملتی ہے۔
