24 مئی 2026 : دادو میں پارہ 48 ڈگری تک پہنچ گیا، سندھ و جنوبی پنجاب شدید گرمی کی لپیٹ میں، اپنے شہر کے درست درجہ حرارت جانئیے

ملک کے بیشتر میدانی علاقوں میں شدید گرمی اور خشک موسم برقرار رہا جبکہ سندھ، جنوبی پنجاب اور بلوچستان کے کئی شہروں میں درجۂ حرارت  زیادہ ریکارڈ کیا گیا۔

سندھ کے بیشتر علاقے شدید گرمی کی لپیٹ میں رہے  آج ملک میں سب سے زیادہ درجۂ حرارت سندھ کے شہر دادو میں 47.8 ڈگری سینٹی گریڈ ریکارڈ ہوا، جبکہ موئن جو دڑو میں 47.5، جیکب آباد اور لاڑکانہ میں 47، نوابشاہ میں 46.5 اور سبّی میں 46 ڈگری سینٹی گریڈ تک پارہ پہنچ گیا۔ 🔥🌡️

 کراچی میں سمندری ہواؤں کے باعث موسم نسبتاً بہتر رہا تاہم حبس کی شدت برقرار رہی۔ 🌊🥵

پنجاب کے جنوبی اور وسطی اضلاع میں بھی گرمی برقرار رہی۔ خانپور میں 42.5، ڈی جی خان میں 42، بہاولپور میں 41.7، بہاولنگر میں 41.5 جبکہ ملتان اور جھنگ میں 41.2 ڈگری سینٹی گریڈ ریکارڈ کیا گیا۔ لاہور، فیصل آباد اور گوجرانوالہ میں بھی پارہ 39 سے 40 ڈگری سینٹی گریڈ کے درمیان رہا۔ ☀️

خیبرپختونخوا کے میدانی علاقوں میں موسم گرم اور خشک رہا جہاں ڈی آئی خان میں 40.5 اور بنوں میں 38.5 ڈگری سینٹی گریڈ ریکارڈ ہوا، جبکہ بالائی علاقوں کالام، مالم جبہ، استور اور سکردو میں موسم خوشگوار اور ٹھنڈا رہا۔ ⛰️❄️

بلوچستان کے میدانی علاقوں میں بھی شدید گرمی برقرار رہی جہاں دالبندین میں 43، تربت میں 42، نوکنڈی میں 41.5 جبکہ پنجگور میں 39.5 ڈگری سینٹی گریڈ ریکارڈ کیا گیا۔ دوسری جانب کوئٹہ، زیارت اور قلات میں موسم نسبتاً معتدل رہا۔ 🌤️

گلگت بلتستان اور آزاد کشمیر کے بیشتر علاقوں میں موسم خوشگوار رہا جبکہ کوٹلی میں زیادہ سے زیادہ درجۂ حرارت 35 ڈگری سینٹی گریڈ ریکارڈ کیا گیا۔

ملک کے دیگر شہروں میں ریکارڈ کیے گئے درست درجۂ حرارت ذیل کی فہرست میں ملاحظہ کریں۔