23 اپریل 2026 : ملک بھر میں شدید گرمی برقرار، تربت میں درجۂ حرارت 44 ڈگری تک پہنچ گیا، اپنے شہر کے درست درجہ حرارت جانئیے

ملک کے بیشتر میدانی علاقوں میں آج بھی شدید گرمی  برقرار رہی اور درجۂ حرارت کئی مقامات پر معمول سے کافی زیادہ ریکارڈ ہوا۔ سندھ میں دادو، جیکب آباد اور پڈعیدن سمیت مختلف شہروں میں درجۂ حرارت 41 سے 42.5 ڈگری سینٹی گریڈ تک پہنچ گیا، جبکہ کراچی میں سمندری ہواؤں کے باعث موسم نسبتاً معمول کے قریب رہا۔

پنجاب کے وسطی اور جنوبی اضلاع میں گرمی کی شدت میں مزید اضافہ ہوا۔ جہاں لاہور، فیصل آباد، بہاولپور اور ڈی جی خان میں درجۂ حرارت 40 سے 41.7 ڈگری تک ریکارڈ ہوا، جو کہ معمول سے زیادہ ہے۔ خیبر پختونخوا کے میدانی علاقوں میں بھی موسم گرم سے شدید گرم رہا، جبکہ بالائی علاقوں میں موسم نسبتاً ٹھنڈا اور خوشگوار رہا۔

گلگت بلتستان اور کشمیر میں درجۂ حرارت معمول کے مطابق یا معمول سے قدرے کم رہا، جبکہ بلوچستان کے جنوبی علاقوں خصوصاً تربت اور سبّی میں شدید گرمی برقرار رہی۔

آج ملک کا گرم ترین شہر تربت 43.5 ڈگری سینٹی گریڈ  رہا، جبکہ دادو  میں  42.5 ڈگری سینٹی گریڈ  ، پڈعیدن، جیکب آباد، موئنجو دڑو اور ڈی جی خان میں 41.5 ڈگری سینٹی گریڈ رہا۔

ملک کے مختلف شہروں میں ریکارڈ کیے گئے درجۂ حرارت کی مکمل تفصیل دی گئی فہرست میں ملاحظہ کی جا سکتی ہے۔