Weather Busters Pakistan موسم کا حال
Related Articles
⚪ انتہائی شمالی پاکستان بشمول گلگت بلتستان کے مغربی حصے، چترال اور شمالی آزاد کشمیر میں معمول سے کافی زیادہ بارش/برف باری متوقع ہے!
⚪ پاکستان کے بالائی اور مغربی حصوں (بالائی پنجاب، خیبر پختونخواہ، آزاد کشمیر کے کم بلندی والے علاقوں اور سابقہ فاٹا) میں بارش کی مقدار معمول سے زیادہ متوقع ہے۔
⚪ پاکستان کے جنوبی نصف میں خاص طور پر جنوبی پنجاب میں معمول سے کم بارش کا امکان ہے۔ سندھ میں زیادہ تر موسم خشک رہنے کی توقع ہے۔
⚪ معمول کے مطابق یا معمول سے کچھ کم درجہ حرارت رہنے کا امکان۔
⚪ شدید موسمی حالت (گرج چمک، شدید ژالہ باری، آندھی/طوفان) ممکن ہیں!
جدید موسمی ماڈل (ECMWF) کا استعمال کرتے ہوئے، Weather Busters Pakistan موسم کا حال کے ایڈمن نے مارچ 2025 کے لیے یہ ماہانہ پیش گوئی تیار کی ہے۔
تفصیلات:
⦿ ایک طاقتور سلسلہ ملک کے بالائی ، مغربی اور وسطی حصوں پر اثر انداز ہوگا، جو خیبر پختونخوا میں 6000 فٹ اور کشمیر میں 7500 فٹ سے بلند مقامات پر وسیع پیمانے پر شدید بارش اور برف باری کا باعث بنے گا۔ یہ سلسلہ 3 سے 4 مارچ تک اثر انداز ہوگا۔ اس دوران زیادہ سے زیادہ درجہ حرارت معمول سے 7 سے 12 ڈگری سینٹی گریڈ کم رہنے کا امکان ہے۔ 5 تاریخ کو خطہ پوٹھوہار ، وادیِ پشاور اور ملحقہ علاقوں میں تیز ہوا چلنے کے ساتھ شمالی مغرب کی طرف سے 45 سے 70 کلومیٹر فی گھنٹہ کی رفتار کے جھکڑ چلنے کے امکانات ہیں۔ بلوچستان میں طوفانی ہوائیں شمال مشرقی حصے کو متاثر کریں گی، بشمول کوئٹہ جہاں جھکڑ 60 سے 80 کلومیٹر فی گھنٹہ کی رفتار تک پہنچ سکتے ہیں۔ یہ علاقے احتیاطی تدابیر استعمال کریں!
⦿ 5 سے 15 مارچ تک زیادہ تر علاقوں میں موسم خشک رہے گا دھوپ ہوگی اور تیز ہوائیں چل سکتی ہیں۔ 10/11 مارچ کے آس پاس ایک اور مغربی ہواؤں کا سلسلہ اور تیسرا 15 مارچ کے آس پاس متوقع ہے ۔ اس دوران صاف موسم کبھی کبھار ابر آلود / بارش کا سبب بن سکتا ہے ۔ بلوچستان میں دوپہر کے وقت تیز ہوائیں اور جھکڑ چلنے کا امکان ظاہر کیا جا رہا ہے۔
⦿ موسم کا حال مارچ کے مہینے کے آخری 10 دنوں میں موسم ایکٹو ہوگا۔ موجودہ موسمی طرز عمل ملک کے شمالی حصوں خاص طور پر شمالی خیبر پختونخوا (خاص طور پر پہاڑی علاقوں، وادیِ پشاور)، پوٹھوہار کے علاقے، اور آزاد کشمیر کے اونچے مقامات میں خصوصاً گرج چمک، بارش اور تیز ہوائیں چلنے کا امکان ہے ۔
⦿ اس مہینے میں 5 سے 7 کمزور سے طاقتور مغربی ہواؤں کے سلسلوں (WDs) متوقع ہیں، جن میں سے 2 سے 3 سلسلے خاص طور پر مہینے کے آخری عشرے میں خیبر پختونخوا، پنجاب، کشمیر، اور شمال مشرقی اور مغربی بلوچستان کے کچھ حصوں میں طاقتور/شدید گرج چمک طوفانوں کی سرگرمی کا باعث بن سکتے ہیں۔ بلوچستان اور سندھ کے جنوبی حصوں میں زیادہ تر موسم خشک رہنے کا امکان ہے۔
⦿ بارش: شمالی نصف اور ملک کے وسطی حصوں میں معمول کے مطابق سے معمول سے زیادہ بارش کی توقع ہے۔ راولپنڈی/ اسلام آباد کے علاقہ میں بعض مقامات پر ماہانہ 75 سے 120 ملی میٹر بارش متوقع ہے۔ ملک کے جنوبی حصے، بشمول سندھ اور مشرقی بلوچستان میں بہت سے مقامات پر معمول یا معمول سے کم بارش کی توقع کی جا رہی ہے۔
⦿ شمال مشرقی بلوچستان، خیبر پختونخوا، پنجاب کے بالائی اور وسطی حصوں میں طاقتور اور شدید گرج چمک طوفانوں کے ساتھ متواتر بجلی گرنے، آندھی/طوفان، طویل اور شدید ژالہ باری، اور شدید بارش متوقع ہے۔
⦿ مارچ کے آخری 10 دنوں میں خاص طور پر بلوچستان کے بلند مقامات ، خیبر پختونخوا کے بالائی اور وسطی میدانوں، ہزارہ ،پوٹھوہار ، وسطی پنجاب، خاص طور پر، سرگودھا، فیصل آباد، ملتان، ساہیوال، گوجرانوالہ، راولپنڈی/ اسلام آباد اور لاہور ڈویژن ، بشمول ڈیرہ غازیخان میں مغربی سلسلوں کے دوران گرج چمک طوفانوں /بارش کی سب سے زیادہ امکانات ہیں۔ بہاولپور کا علاقہ اس دوران خشک رہنے کے امکانات زیادہ ہیں۔ شمالی پنجاب میں ژالہ باری کی توقع ہے۔ جنوبی خیبر پختونخوا اور پنجاب، شمال مشرقی بلوچستان، فاٹا اور پنجاب کے جنوب مغربی حصوں میں بڑے حجم کے اولوں اور طویل ژالہ باری کے زیادہ امکانات ہیں۔
⦿ درجہ حرارت: پاکستان کے بیشتر حصوں میں معمول کے مطابق سے معمول سے کچھ کم درجہ حرارت رہنے کی توقع ہے۔ ہم توقع کر سکتے ہیں کہ رمضان کا وقت خوشگوار رہے گا کیونکہ اس میں بہار کی مانند موسم محسوس ہو گا۔ معمول کے مطابق مطلع ابر آلود رہنے کے ساتھ ہوا میں نمی کا تناسب معمول کے مطابق رہنے کی توقع ہے۔ مجموعی طور پر، پنجاب، خیبر پختونخوا، کشمیر، گلگت بلتستان کے میدانوں میں اوسط درجہ حرارت 1 سے 3 ڈگری سینٹی گریڈ معمول سے کم رہنے کی توقع ہے، جبکہ سندھ اور بلوچستان میں معمول کے مطابق درجہ حرارت رہنے کی توقع ہے۔
⦾ ہماری صفحہ کو لائیک کر کے شامل ہوں اور پورے مہینے کی پیشنگوئی حاصل کریں! مزید اپ ڈیٹس کے لیے ہماری پیروی کرتے رہیں!”
