جون 2025 پیشنگوئی : معمول سے زیادہ بارشیں اور درجہ حرارت معمول سے قدرے کم رہنے کا امکان، تفصیلات جانئیے

Related Articles

6 تا 13 جون، عید/ہفتہ وار پیش گوئی: پاکستان کے بالائی اور وسطی حصوں میں درجہ حرارت میں تیزی سے اضافہ ہونے کا امکان!گرمی کی لہر متوقع نہیں

4 گھنٹے ago

3 جون 2025 : کشمیر،خیبر پختونخوا اور پنجاب میں بارش و ژالہ باری، ٹھنڈی ہواؤں سے موسم خوشگوار

2 دن ago

مغربی ہواؤں کے سلسلوں سے ہونے والی بارش کے سبب بالائی پاکستان میں بہار لوٹ آئی۔ درجہ حرارت معمول سے 6 سے 10 ڈگری تک کم ریکارڈ ہوۓ۔ اپنے شہر کے درست درجہ حرارت جانیں

4 دن ago

جون 2025 کی موسمی صورت حال/ پیشنگوئی
➼ پورے ملک میں معمول کے مطابق یا معمول سے زیادہ بارشوں کا امکان!
➼ معمول کے قریب سے معمول سے کم درجہ حرارت کی توقع!
➼ پری-مون سون بارشوں کا 15 جون کے قریب آغاز ہوگا!
یہ پیشنگوئی ECMWF کے جدید ترین طویل المدتی موسمی ماڈلز کی بنیاد پر تیار کی گئی ہے۔

تفصیلات:
⦿ اس مہینے میں 4 سے 6 مغربی ہواؤں کے سلسلے (WDs ) آنے کا امکان ہے، جن میں سے 2 سے 3 سلسلے خیبر پختونخوا، سابقہ فاٹا، پنجاب، آزاد کشمیر، شمالی سندھ اور بلوچستان (ساحلی علاقوں کو چھوڑ کر) میں شدید گرج چمک کے ساتھ بارش کا سبب بن سکتے ہیں (نقشہ 1 دیکھیں)۔
⦿ مئی کے معمول کے مطابق درجہ حرارت کے بعد، جون میں ملک کے زیادہ تر حصوں میں درجہ حرارت معمول سے کم رہنے کا امکان ہے، سوائے بلوچستان کے مغربی حصوں کے جہاں درجہ حرارت 2 ڈگری تک زیادہ گرم رہ سکتا ہے۔ جون کے پہلے ہفتے میں درجہ حرارت معمول سے کم رہے گا، جبکہ دوسرے ہفتے میں معمول سے زیادہ گرمی (3 سے 6 ڈگری سینٹی گریڈ تک) زیادہ ہوگی جو گرمی کی لہر جیسی کیفیت پیدا کر سکتی ہے۔ جون کے دوسرے نصف میں پری-مون سون بارشوں کے شروع ہوتے ہی درجہ حرارت میں نمایاں کمی آئے گی اور مہینے کے آخر تک معمول سے 2 سے 4 ڈگری کم درجہ حرارت کے ساتھ بادل، ژالہ باری، بارش اور تیز ہواؤں والا موسم رہنے کا امکان ہے۔

⦿ بالائی پنجاب، کشمیر اور بالائی خیبر پختونخوا میں معمول سے زیادہ بارشیں ہو سکتیں ہیں، جہاں جون کے تیسرے ہفتے میں پری-مون سون کے دوران مقامی طور پر شدید بارش ہو نے کا امکان نظر آتا ہے ۔ جنوبی خیبر پختونخوا، سندھ، پنجاب کے وسطی و جنوبی حصوں اور مشرقی بلوچستان میں بارشیں معمول کے مطابق ہونے کا امکان ہے۔ مغربی بلوچستان اور گلگت بلتستان میں معمول سے کم بارشیں ہونے کا امکان ہے۔ سندھ میں مون سون بارشوں کا آغاز جون کے آخری ہفتے میں ہونے کی توقع ہے، جبکہ شمال مشرقی پنجاب میں مون سون 22 سے 25 جون کے درمیان شروع ہو نے کا امکان ہے۔
⦿ شدید گرج چمک کے ساتھ بارش کے دوران کڑکتی بجلی، تیز ہوائیں، شدید ژالہ باری اور موسلا دھار بارشیں ہونے کا امکان ہے۔ یہ صورتحال خاص طور پر پوٹھوہار خطے (راولپنڈی، اسلام آباد، جہلم، اٹک، چکوال)، گجرات، گوجرانوالہ، لاہور، سیالکوٹ، صوابی، مردان، ہزارہ (ایبٹ آباد)، سرگودھا، میانوالی اور آزاد کشمیر (مظفر آباد) میں دیکھنے میں آ سکتی ہے۔

⦿ جون کے دوسرے نصف (15 جون کے بعد) میں پوٹھوہار کے علاقے، شمال مشرقی پنجاب (گوجرانوالہ، لاہور)، وسطی پنجاب (بھکر، سرگودھا، میانوالی، جوہر آباد، فیصل آباد، جھنگ) میں 3 سے 5 طاقتور گرج چمک کے طوفان/آندھی کے ساتھ بارش کا امکان ہے، جس کے ساتھ شدید ژالہ باری بھی ہو سکتی ہے۔ سندھ (سکھر، لاڑکانہ، دادو) اور پنجاب کے جنوبی/مشرقی حصوں (لاہور، ساہیوال، ڈی جی خان، ملتان، بہاولپور) میں 2 سے 4 شدید گرد کے طوفان/آندھی چلنے کا امکان ہے۔ جنوبی خیبر پختونخوا (ڈیرہ اسماعیل خان) اور شمال مشرقی بلوچستان (ژوب، لورالائی، بارخان، کوہلو، ڈیرہ بگٹی) میں ہلکی گرد آلود ہوائیں/ آندھی چلنے کا امکان ہے۔

⦾ ہمارے پیج کو لائک کریں تاکہ پورے مہینے کی پیشنگوئی موصول ہو سکے! ہمارے ساتھ جڑے رہیں تاکہ تازہ ترین اپ ڈیٹس، انتباہات اور حقیقت پر مبنی بر وقت معلومات حاصل کرسکیں!
⚠ یاد رکھیں: جب ہواؤں کی رفتار 90 سے 120 کلومیٹر فی گھنٹہ تک پہنچنے کا امکان ہو تو ہم شدید گرج چمک کے ساتھ بارش کے انتباہات جاری کریں گے، جو جون کے طوفانوں میں غیر معمولی بات نہیں ہے۔