Weather Busters Pakistan موسم کا حال
Related Articles
چار روزہ پیشگوئی: وسطی سندھ میں 49ڈگری سینٹی گریڈ درجہ حرارت متوقع! شدید گرمی کا امکان ہے! جنوبی پنجاب، بلوچستان اور سندھ میں گرمی کی لہر ممکن! مغربی سلسلہ گرد کے طوفان کے ساتھ راحت کا باعث بنے گا !
⦿ مدت: 27 اپریل سے 30 اپریل 2025
⦿ متاثرہ علاقے: ملک بھر کے میدانی علاقے، بشمول پنجاب، سندھ، خیبر پختونخوا اور بلوچستان۔ غیر متاثرہ علاقے شمالی خیبر پختونخوا ، ساحلی سندھ و بلوچستان، آزاد کشمیر کے پہاڑی علاقے اور گلگت بلتستان۔
⦿ گرمی کا انتباہ : سندھ، پنجاب، بلوچستان اور خیبر پختونخوا کے میدانی علاقوں کے لیے جاری کیا جا رہا ہے۔
⦿ خلاصہ: اگلے 3 سے 4 دنوں میں درجہ حرارت 3 سے 5 ڈگری تک بڑھ سکتا ہے، سب سے زیادہ اضافہ وادی پشاور اور پوٹھوہار کے علاقے میں 4 سے 6 ڈگری سینٹی گریڈ تک متوقع ہے۔ بالائی اور وسطی پنجاب (لاہور، فیصل آباد، سرگودھا، ملتان، بہاولپور، ڈیرہ غازیخان اور ساہیوال ڈویژن) میں درجہ حرارت 3 سے 6 ڈگری بڑھ سکتا ہے۔ سندھ کے بالائی اور وسطی علاقوں (سکھر، لاڑکانہ اور نوابشاہ) میں درجہ حرارت 2 سے 3 ڈگری پہلے ہی بڑھ چکا ہے اور آئندہ دنوں میں مزید 3 سے 4 ڈگری بڑھنے کا امکان ہے۔ بلوچستان میں درجہ میں 3 سے 5 ڈگری سینٹی گریڈ تک اضافہ ہوگا۔
البتہ 30 اپریل کی دوپہر/شام سے ملک کے بالائی حصوں میں گرد/گرج چمک طوفان کے ساتھ بارش اور ژالہ باری متوقع ہے، اور 1 مئی کے ارد گرد یہ نظام وسطی اور جنوبی علاقوں میں اثر انداز ہوگا۔ مغربی سلسلوں کی مکمل پیشگوئی کل دی جائے گی۔
گرمی کی لہر کی صورت حال کل سے وسطی اور جنوبی پاکستان کے علاقوں میں شروع ہوگی، جن میں جنوبی پنجاب، بالائی اور وسطی سندھ اور مشرقی بلوچستان شامل ہیں، اور یہ صورتحال یکم مئی تک جاری رہے گی۔
⦿ 30/29 اپریل سے 1 مئی تک متوقع زیادہ سے زیادہ درجہ حرارت:
🌡 راولپنڈی/اسلام آباد اور چکوال: 38 سے 40 ڈگری سینٹی گریڈ (6 سے 8 ڈگری معمول سے زیادہ )
🌡 پشاور، لاہور اور گوجرانوالہ: 40 سے 42 ڈگری (4 سے 6 ڈگری معمول سے زیادہ )
🌡 سرگودھا، فیصل آباد، جھنگ، ڈی آئی خان، حیدرآباد: 42 سے 44 ڈگری سینٹی گریڈ (4 سے 6 ڈگری معمول سے زیادہ )
🌡 ملتان، بہاولپور، ڈیرہ غازیخان ، تربت: 44 سے 46 ڈگری (3 سے 6 ڈگری سینٹی گریڈ معمول سے زیادہ )
🌡 لاڑکانہ، دادو اور نوابشاہ: 47 سے 49 ڈگری (5 سے 7 ڈگری معمول سے زیادہ )
🌡 سکھر، سبی اور جیکب آباد: 45 سے 47 ڈگری (4 سے 6 ڈگری معمول سے زیادہ )
🌡 کوئٹہ: 30 سے 32 ڈگری (2 سے 4 ڈگری معمول سے زیادہ )
🌡 کراچی: 35 سے 39 ڈگری (سمندر کے قریب بامقابلہ اندرون شہر) موجودہ موسم کے لحاظ سے قریباً معمول کے مطابق
🌡 گوادر: 39 سے 42 ڈگری سینٹی گریڈ (3-5 ڈگری معمول سے زیادہ)
احتیاط: محکمہ موسمیات پاکستان گرمی کی لہر کے دوران درجہ حرارت کو 2 سے 5 ڈگری سینٹی گریڈ تک مبالغہ آرائی سے پیش کرے گا (اور کوشش کرے گا کہ اپریل کے نئے ریکارڈ قائم کرے)، علاقے کے مطابق۔ ہماری ویب سائٹ www.mosam.com.pk سے درست اور حقیقی درجہ حرارت کی معلومات حاصل کریں۔
