Weather Busters Pakistan موسم کا حال
Related Articles
جون 2024 پیشگوئی/ طائرانہ نظر:
کیا جون بھی گرم گزرے گا؟ بارشیں کب ہوں گی ؟ یہ جاننے کے لئے آخر تک پڑھیں!
دستیاب جدید ترین لانگ رینج ماڈل (ECMWF) کا استعمال کرتے ہوئے، Weather Busters Pakistan موسم کا حال میں آپ کے منتظم نے یہ ماہانہ پیشگوئی تیار کی ہے!
1) پاکستان کے بیشتر حصوں میں بارشیں معمول سے کم ہوں گی ۔ تاہم، اس ماہ ملک کے جنوبی حصوں میں کچھ مقامات پر معمول کے مطابق یا معمول سے کچھ زیادہ بارشیں ہونے کا امکان ہے۔
جون کے پہلے 15 سے 20 دنوں کے دوران، عمومی طور پر بارشیں کم ہوں گی۔ مگر آخری 10 دنوں میں موسم تیزی سے بدلنے کی توقع ہے۔ پری مون سون بارشیں مہینے کے تیسرے یا چوتھے ہفتے میں شروع ہونے کا امکان ہے۔
اپنے شہر کے بارے میں تفصیلات جاننے کے لیے براہ کرم نقشہ 1 اور 2 دیکھیں۔
2) پنجاب، خیبر پختونخواہ، سندھ اور مشرقی بلوچستان کے میدانی علاقوں میں درجہ حرارت معمول کے مطابق یا معمول سے تقریباً 2 ڈگری سینٹی گریڈ زیادہ رہیں گے ۔ خیبر پختونخواہ کے انتہائی شمالی علاقوں، کشمیر، اور گلگت بلتستان اور بلوچستان کی ساحلی پٹی پر بھی درجہ حرارت معمول کے مطابق یا 2 ڈگری سینٹی گریڈ تک، معمول سے زیادہ ہو سکتا ہے۔
اپنے شہر کے بارے میں تفصیلات جاننے کے لیے براہ کرم نقشہ 3 اور 4 دیکھیں۔
3) اگر اسی طرح انتہائی خشک اور بہت گرم موسم جاری رہا تو ، اس ماہ شدید گردوغبار آندھی کا امکان بڑھ جائے گا , جس میں مغربی ہواؤں کے چلنے سے 100 سے 120 کلومیٹر فی گھنٹہ کی شدید آندھی آنا کوئی غیر معمولی بات نہیں ہے۔
احتیاط کا مشورہ دیا جاتا ہے۔ شدید طوفان کے امکانات کے لیے ہماری پیشگوئیوں پر عمل کریں۔
4) مجموعی طور پر، اس سال جون میں ، ہوا میں نمی کا تناسب اور رفتار معمول سے کم رہنے کی توقع ہے۔
5) 3 سے 5 مغربی ہواؤں کے سلسلے (WD) ملک کے مختلف حصوں کو متاثر کر سکتے ہیں تاہم ، خشک مغربی ہواؤں کا حالیہ پیٹرن جون کے کم از کم 15 سے 20 دن تک جاری رہنے کی توقع ہے۔ جس کے بعد ہوا میں نمی کا تناسب بڑھنے سے بارشوں کا امکان بھی بڑھ جائے گا۔
