Weather Busters Pakistan موسم کا حال
Related Articles
مغربی ہواؤں کا ایک نیا سلسلہ پاکستان کے شمالی علاقوں پر اثر انداز ہوگا جس کی وجہ سے بادل آنا شروع ہوجائیں گے۔ خیبر پختونخوا، شمالی پنجاب، گلگت بلتستان، اور کشمیر میں اکثر مقامات پر اتوار اور پیر کے دوران بادل ہوں گے۔ اس دوران پہاڑی مقامات پر 7000 فٹ سے بلند مقامات میں ہلکی برفباری ہو سکتی ہے.
خیبر پختون خواہ اور کشمیر کی وادیوں میں ہلکی بارش کا امکان ہے۔ شمالی پنجاب، جنوبی خیبر پختونخوا اور پنجاب میں اس سلسلے سے خاطر خواہ بارش کا امکان نہیں۔ اتوار اور پیر کے درمیان بلوچستان (کوئٹہ ،خضدار ، دالبندین، تربت، گوادر) کے اکثر مقامات پر بادل چھائے ہوئے ہوں گے، اور پہاڑی مقامات کہیں کہیں گرج چمک کے ساتھ 5 سے 10 ملی میٹر بارش ہو سکتی ہے۔ اس دوران کیرتھر کی پہاڑیوں, سندھ کے میدانی مغربی اور شمالی حصوں میں گرج چمک کے ساتھ چند ایک مقامات پر ہلکی بارش ہو سکتی ہے(20 فی صد امکان)۔
منگل کے روز ملک کے اکثر حصوں میں مطلع صاف اور درجہ حرارت میں نمایاں کمی ہوگی۔
