Weather Busters Pakistan موسم کا حال
Related Articles
14 دسمبر بروز منگل کی شام سے 15
دسمبر بروز بدھ صبح سویرے تک اٹک،
چکوال، میانوالی اور راولپنڈی (بالخصوص
تحصیل ٹیکسلا بشمول واہ کینٹ) میں گرج
چمک کیساتھ ژالہ باری اور بارش کی توقع
ہے۔ 16 دسمبر کی صبح سے بڑے پیمانے پر
کُہرا فصلوں کیلئے نقصان ده ثابت ہو سکتا
ہے۔
درج بالا علاقوں میں متوقع موسمی
صورتحال:
⦿ 35 سے 50 کلومیٹر فی گھنٹہ کی ہواؤں
کیساتھ کہیں کہیں تیز بارش جبکہ چند
مقامات پر شدید ژالہ باری ہو سکتی ہے۔ اٹک
اور میانوالی کے علاقوں میں 25 سے 40 ملی
میٹر بارش متوقع ہے۔
⦿ انتہائی ٹھنڈی بارش: بارش کے دوران
درجہ حرارت 5 سے 7 ڈگری سینٹی گریڈ تک
گر سکتا ہے، جبکہ شدید موسمی صورتحال
بننے کی صورت میں 3 سے 4 ڈگری سینٹی
گریڈ تک بھی گرنے کی توقع ہے۔
⦿ جڑواں شہروں، صوابی، مردان، ایبٹ آباد،
نوشہرہ، چارسدہ، کوہاٹ، خوشاب، مظفّرآباد
اور ملحقہ اضلاع میں بارش کیساتھ مٹر کے
دانوں جتنے اولے پڑنے کے امکانات کو رد نہیں
کیا جا سکتا۔ بارش کی مقدار زیادہ تر
مقامات پر 5 سے 10 ملی میٹر کے درمیان
رہنے کی توقع ہے۔
⦿ کُہرے کا خدشہ: 16 دسمبر کی صبح سے
خیبر پختونخواہ اور پنجاب کے میدانی
علاقوں میں کم سے کم درجہ حرارت نکتہ
انجماد کے آس پاس یا اس سے کم گر سکتے
ہیں، جس کے سبب بالخصوص اسلام آباد
سمیت خطّہٰ پوٹھوہار اور کشمیر جبکہ دیگر
درج بالا علاقوں میں 15 دسمبر کی دیر رات
سے 16 دسمبر کی صبح تک کُہرا پڑنے کا
امکان ہے۔ خیبر پختونخواہ اور پنجاب کے
میدانی علاقوں میں کم سے کم درجہ حرارت
منفی 4 سے منفی 2 ڈگری سینٹی گریڈ جبکہ
ضلع چکوال میں منفی 7 سے منفی 5 ڈگری
سینٹی گریڈ تک گرنے کا امکان ہے۔ اگلے 5
دنوں میں اوسطاً درجہ حرارت میں 3 سے 6
ڈگری کمی متوقع ہے۔
جنوبی پنجاب اور سندھ میں بھی درجہ
حرارت میں نمایاں کمی کے سبب کُہرا پڑنے کا
امکان ہے۔
⦿ اس حوالے سے تفصیلی پیشگوئی اگلے 24
گھنٹوں میں انشاءاللّه پوسٹ کر دی جاۓ
گی۔
