Weather Busters Pakistan موسم کا حال
Related Articles
آج صبح سویرے مغربی ہواؤں اور پری مون سون کی نمی والی ہواؤں کے ٹکراو کے سبب شمال مغربی سندھ اور جنوب مشرقی پنجاب بشمول جیکب آباد، لاڑکانہ، شکارپور اور رحیم یار خان میں گرج چمک کے شدید طوفان متاثّر کئے جبکہ بعض مقامات پر سوپر سیل طوفان بھی سیٹلائٹ پر نارنگی رنگ میں نمایاں تھے۔ درج ذیل تصویر دیکھیں:
جیکب آباد میں باالخصوص شدید موسمی صورتحال رونما ہوئی جہاں زیادہ سے زیادہ آندھی کی رفتار شمال کی سمت سے 108 کلومیٹر فی گھنٹہ ریکارڈ کی گئی۔ 36 ملی میٹر بارش کیساتھ کم سے کم درجہ حرارت محض 19.5 ڈگری سینٹی گریڈ تک گر گیا، جو کہ جیکب آباد کی 144 سالہ موسمی تاریخ (1877 سے تاحال) جون میں ریکارڈ کئے گئے سرد ترین درجہ حرارت کا نیا ریکارڈ ہے! جیکب آباد کا پرانا ریکارڈ 20.4 ڈگری سینٹی گریڈ یکم جون 1997 کو قائم ہوا تھا۔
جنوب مشرقی پنجاب میں بھی بلال فارمز میں نصب موسمی سٹیشن پر 30 ملی میٹر، رحیم یار خان 28 ملی میٹر جبکہ خانپور میں 20 ملی میٹر بارش ریکارڈ کی گئی۔ خانپور میں کم سے کم درجہ حرارت 20.7 ڈگری سینٹی گریڈ جبکہ رحیم یار خان میں 21 ڈگری سینٹی گریڈ تک گر گیا۔
مورو شہر، ضلع نوشہرو فیروز میں بلوچستان سندھ موسم اور موسم کا حال کے تعاوّن سے لگے موسمی سٹیشن پر آندھی کی رفتار 67 کلومیٹر فی گھنٹہ جبکہ کم سے کم درجہ حرارت 24.8 ڈگری سینٹی گریڈ ریکارڈ کیا گیا۔
