Weather Busters Pakistan موسم کا حال
Related Articles
موسمی انتباہ! انتہائی شدید آندھی: ساہیوال، ٹوبہ ٹیک سنگھ، اوکاڑہ، پاکپتن، فورٹ عبّاس اور بہاولنگر! ہواؤں کی رفتار 110 سے 140 کلومیٹر فی گھنٹہ پہنچنے کا امکان!!
گرج چمک کے شدید طوفان اور آندھی کی انتباہ ⚠️ مٹّی کے طاقتور طوفان کے سبب حدِ نگاہ سفر رہنے کی توقع! وسطی پنجاب کے تقریباً تمام علاقے اس وقت گرج چمک کے شدید طوفانوں کی زد میں ہیں جو کہ منڈی بہاءالدّین سے ساہیوال تک پھیلے ہوۓ ہیں۔ شدید طوفانی ہواؤں کیساتھ ساہیوال، ٹوبہ ٹیک سنگھ، اوکاڑہ، پاکپتن، وہاڑی، بہاولنگر اور ملحقہ علاقوں میں معتدل سے تیز بارش اور ژالہ باری کا امکان ہے۔ ہواؤں کی رفتار 110 سے 140 کلومیٹر فی گھنٹہ تک پہنچنے کا اندیشہ ہے!
طوفان کے دوران:
1) گھروں میں رہیں
2) درخت، بجلی کے کھمبوں اور سائن بورڈز سے دور رہیں
3) بجلی کے ٹوٹے ہوۓ تاروں سے دور رہیں۔ بجلی کا جھٹکا لگنے سے جان بھی جا سکتی ہے۔
4) کمزور عمارتوں اور مٹّی کی دیواروں سے دور رہیں
گرج چمک کے شدید طوفان یا تیز آندھی کی انتباہ اس وقت جاری کی جاتی ہے جب ہواؤں کی رفتار 90 کلومیٹر فی گھنٹہ سے تجاوز کرنے کا خدشہ ہو۔ ایسی موسمی صورتحال خطرناک ہوتی ہے، لہٰذا تمام افراد سے احتیاط برتنے کی درخواست ہے۔
