Weather Busters Pakistan موسم کا حال
Related Articles
1) “گرمی کی لہر” (heatwave) کیا ہوتی ہے؟
عالمی موسمیاتی ادارے (WMO) کے مطابق “گرمی کی
لہر” ایک ایسے موسمی واقعے کو کہتے جس میں روزانہ کا
زیادہ سے زیادہ درجہ حرارت 30 سالہ طویل عرصے پر مبنی
ماہانہ اوسط سے کم از کم 5 ڈگری زیادہ کم از کم 5 دنوں تک
لگاتار ریکارڈ ہو۔
2) اگر پاکستان کے حوالے سے دیکھا جاۓ تو اسکو کچھ
یوں سمجھا جا سکتا ہے:
🌡لاہور میں مئی میں زیادہ سے زیادہ درجہ حرارت کا 30
سالہ معمول 38.9 ڈگری سینٹی گریڈ ہے۔ یعنی لاہور میں
گرمی کی لہر اس وقت کہلائے گی جب زیادہ سے زیادہ درجہ
حرارت 44 ڈگری یا اس سے زیادہ کم از کم 5 دنوں تک
لگاتار ریکارڈ ہو۔
🌡اسلام آباد اور راولپنڈی میں مئی میں زیادہ سے زیادہ درجہ
حرارت کا 30 سالہ معمول 36 ڈگری سینٹی گریڈ ہے۔ یعنی
اسلام آباد/ راولپنڈی میں گرمی کی لہر اس وقت کہلائے گی
جب زیادہ سے زیادہ درجہ حرارت 41 ڈگری یا اس سے زیادہ
کم از کم 5 دنوں تک لگاتار ریکارڈ ہو۔
🌡کراچی میں مئی میں زیادہ سے زیادہ درجہ حرارت کا 30
سالہ معمول 35.5 ڈگری سینٹی گریڈ ہے۔ یعنی کراچی میں
گرمی کی لہر اس وقت کہلائے گی جب زیادہ سے زیادہ درجہ
حرارت 40.5 ڈگری یا اس سے زیادہ کم از کم 5 دنوں تک
لگاتار ریکارڈ ہو۔
🌡نوابشاہ میں مئی میں زیادہ سے زیادہ درجہ حرارت کا 30
سالہ معمول 44.2 ڈگری سینٹی گریڈ ہے۔ یعنی نوابشاہ میں
گرمی کی لہر اس وقت کہلائے گی جب زیادہ سے زیادہ درجہ
حرارت 49 ڈگری یا اس سے زیادہ کم از کم 5 دنوں تک
لگاتار ریکارڈ ہو۔
یاد رکھیں کہ مئی اوسطاً درجہ حرارت کے لحاظ سے پاکستان
کا دوسرا سب سے گرم مہینہ ہے۔ اگر مئی میں heatwave نہ
بھی ہو تو بھی موسم خاصا گرم ہی ہوتا ہے۔ گزشتہ 5 سے 6
سالوں سے پاکستان میں مئی میں درجہ حرارت معمول سے 3
سے 6 ڈگری تک ٹھنڈے رہنے کے سبب مئی کا موسمِ بہار کے
طرز پر خوشگوار گزرنا اب نیا معمول بن گیا ہے، جس کے باعث
انسانی جسم میں گرمی کا برداشت کم ہو گیا ہے۔ اس ہی وجہ
سے درجہ حرارت مئی کے معمول کے آس پاس بھی پہنچیں تو
گرمی کافی زیادہ محسوس ہوتی ہے۔
شمسی توانائی میں آتی مستقل کمی کے باعث اوسطاً گرمی
کی لہروں اور انکی شدّت میں اب نمایاں کمی آ چکی ہے۔ اگر
تو یہ ذکر کردہ گرمی کی لہر واقعی متاثّر کر پاتی ہے تو یہ
مئی 2013 کے بعد مئی میں آنے والی پہلی باقاعدہ گرمی کی
لہر ہوگی۔ جبکہ پاکستان / برّصغیر کی 150 سالہ موسمی
تاریخ پر نظر ڈالی جاۓ تو صاف ظاہر ہے کہ 2013 سے پہلے
تقریباً ہر سال ہی بڑے پیمانے پر گرمی کی لہروں کا مئی میں
اس خطّے کو متاثّر کرنا معمولی بات تھی۔
موسمی حقائق، ماہانہ اور ہفتہ وار پیشگوئیوں کیلئے
ہمارےفیس بک پیج کو لائک اور فالو کریں اور روزانہ کے
درست درجہ حرارت سے باخبر رہنے کیلئے روزانہ کے درجہ
حرارت کا ٹیب وزٹ کریں۔
