Weather Busters Pakistan موسم کا حال
Related Articles
مغربی ہواؤں کا ایک غیر متوقع سلسلہ گزشتہ شام
پاکستان میں داخل ہوا جس کا ٹکراو خلیجِ بنگال سے
پہنچنے والی پری مون سون کی نمی والی ہواؤں سے ہوا۔
اسکے سبب وادیِ پشاور سے صوابی اور اٹک تک طاقتور
گرد کے طوفان برپا ہوۓ جن میں ہواؤں کی رفتار 70
سے 90 کلومیٹر فی گھنٹہ تک ریکارڈ کی گئی۔ تاہم
جڑواں شہروں کے قریب پہنچتے ہی مشرق کی سمت
میں بڑھتا ہوا یہ سلسلہ گرج چمک کے طوفانوں کی ایک
منظّم قطار کی صورت اختیار کر چکا تھا۔
جڑواں شہروں میں چنانچہ گرد کے طاقتور طوفان نے
متاثّر کیا جس میں زیادہ سے زیادہ ہواؤں کی رفتار
بحریہ ٹاؤن فیز 2، راولپنڈی میں نصب ہمارے موسمی
سٹیشن پر 115 کلومیٹر فی گھنٹہ ریکارڈ ہوئی۔ آسمانی
بجلی مختلف مقامات پر 200 سے زائد مرتبہ گری جبکہ
ایک گھنٹے تک 80 سے 120 کلومیٹر فی گھنٹہ تک کی
ہوائیں چلتی رہیں۔
اسلام آباد میں سب سے زیادہ بارش زون 1 میں جی
8/2 میں ریکارڈ کی گئی جہاں محض 15 منٹ میں 40
ملی میٹر بارش ہوئی جبکہ زیادہ سے زیادہ بارش کی
شدّت 250 ملی میٹر فی گھنٹہ سے زیادہ ریکارڈ کی
گئی۔
مختلف شہروں میں محکمہ موسمیات کے مطابق ریکارڈ
کی گئی ہوا کی زیادہ سے زیادہ رفتار اور سمت:
چکلالہ ائیربیس، پنڈی 93 کلومیٹر فی گھنٹہ (شمال
مغرب)، نیو اسلام آباد ائیرپورٹ 91 کلومیٹر فی گھنٹہ
(شمال مغرب) اور پشاور ائیرپورٹ 83 کلومیٹر فی
گھنٹہ (شمال مشرق)
